Andijon viloyati ichki ishlar boshqarmasi boshlig‘i, polkovnik Sanjar Jabborov tomonidan fuqarolar uchun navbatdagi qabul tashkil etildi.

Prezidentimiz Shavkat Mirziyoyev tashabbusi bilan mamlakatimizda demokratik va erkin fuqarolik jamiyatini barpo etish, fuqarolarning huquq hamda erkinliklarini ishonchli himoya qilish kafolatlarini kengaytirish, aholining muammolarini hal etishga ko‘maklashish maqsadida aholi vakillarining turli darajadagi rahbarlar bilan bevosita muloqoti yo‘lga qo‘yilganligi ijobiy samaralar bermoqda.

Fuqarolarning qonuniy huquq va manfaatlarini himoya qilish, aholiga qulaylik yaratish, ularning ichki ishlar sohasiga oid murojaatlarini eshitish maqsadida boshqarma binosida o‘tkazilgan qabul davomida aholining asosan ichki ishlar tizimi va boshqa masalalarga oid murojaatlari eshitildi. 

Qabul davomida fuqarolardan tushgan murojaatlarning aksariyati joyida ijobiy hal etildi. Ayrim masalalar bo‘yicha murojaatchilarga huquqiy tushuntirishlar berildi. O‘rganish yoki hal etilishi ma’lum vaqt talab etadigan murojaatlar ijrosi nazoratga olindi.

Bu kabi qabul va aholi bilan ochiq muloqotlar joylardagi muammolarni o‘rganish, hal etish, qonun ustuvorligini ta’minlash bilan birga,  fuqarolarning davlat idoralariga, ertangi kunga bo‘lgan ishonchini mustahkamlashga xizmat qiladi.