2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq qabulxonalariga “Cobalt” avtomobillari topshirildi

O‘zbekiston Respublikasi Prezidentining Qashqadaryo viloyati shahar va tumanlaridagi Xalq qabulxonalariga 15 ta “Cobalt” rusumli xizmat avtomashinalari tantanali topshirildi.

Tadbirda xalq qabulxonalari bugungi kunda aholi muammolarini o‘rganish va ularning echimlari topishda samarali tizimni yo‘lga qo‘ygani bois fuqarolar murojaatlarini qabul qilishda ovoragarchiliklarning kamaygani, bundan tashqari tizimga ko‘plab mutasaddi tashkilotlar vakillarining jalb etilgani sababli murojaatlarning aksariyati joyida hal etilayotgani ta’kidlandi. 

– Davlatimiz rahbarining joriy yil 17-yanvardagi “Aholi muammolari bilan ishlash tizimini yanada takomillashtirish chora-tadbirlari to‘g‘risida” gi farmoniga ko‘ra, xalq qabulxonalari vakillariga aholi xonadonlarida uyma-uy yurib, ularning muammolarini o‘rganish, tahlil qilish hamda sektorlar faoliyatini nazorat qilish kabi vazifalar yuklatilgan edi, – deydi Kasbi tuman xalq qabulxonasi mudiri Abdiali Xolov. – Mazkur farmonda xalq qabulxonalarini avtomashinalar bilan ham ta’minlanishi ko‘zda tutilgan edi. Mana bugun “Cobalt” rusumli xizmat avtomashinalarini qabul qilib oldik. Albatta bu rag‘bat zimmamizdagi mas’uliyatni yanada oshiradi. Bu mashina tumandagi olis-olis qishloqlarga ham bemalol borib kelish, u erdagi aholi muammolarini atroflicha o‘rganishda muhim ahamiyat kasb etadi. 

Viloyat shahar va tumanlaridagi Xalq qabulxonalariga 2018-yilda jismoniy va yuridik shaxslardan 20 ming 305 ta murojaat kelib tushgan, ularning 12 ming 282 tasi qanoatlantirilgan. 

Tadbirda Qashqadaryo viloyati hokimi Z.Ro‘ziev ishtirok etdi. 

O‘.Barotov, O‘zA
 

11.02.2019

Foydali resurslar