2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq qabulxonalariga xizmat avtomashinalari topshirildi

Oʻzbekiston Respublikasi Prezidentining Navoiy viloyati tuman va shaharlaridagi Xalq qabulxo­na­lariga mahalliy byud­jet mab­lagʻlari hisobi­dan 10 ta “Cobalt“ rusumli yengil avto­mashina berildi.

Viloyat Xalq qabulxonasida avtoulovlar kalitini topshirish marosimi oʻtkazildi. Tadbirda Xalq qabulxonalari yurtimizda aholi murojaatlarini oʻrganish va joylardagi muammolarni tezkor hal etishda samarali tizimga aylangani taʼkidlandi. Xususan, oʻtgan 2018 yilda Navoiy viloyatidagi Xalq qabulxonalari­ga jismoniy va yuridik shaxs­lardan 15 mingdan ziyod ariza tushib, ularning qariyb 12 mingtasi ijobiy hal etilgan.

 

photo5393616623648221880.jpg

 

– Xizmat avtomobillari faoliyatimiz samaradorligini yanada oshirish, chekka hududlar aholisi muammolarini joyida oʻrganish va hal etish imkoniyatini kengaytiradi, – deydi Oʻzbekiston Respublikasi Prezidentining Zarafshon shahridagi Xalq qabulxonasi mudiri E.Nurmuhammadov. – Endi aholi muammolariga uyma-uy yurib, mutasaddi tashkilotlar hamkorligida yechim topamiz.

 

Tadbirda Navoiy viloyati hokimi Q.Tursunov soʻzga chiqdi.

 

Nuriddin Rahimov, OʻzA

07.02.2019

Foydali resurslar