2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Халқ қабулхоналарига хизмат автомашиналари топширилди

Ўзбекистон Республикаси Президентининг Навоий вилояти туман ва шаҳарларидаги Халқ қабулхо­на­ларига маҳаллий бюд­жет маб­лағлари ҳисоби­дан 10 та “Cobalt“ русумли енгил авто­машина берилди.

Вилоят Халқ қабулхонасида автоуловлар калитини топшириш маросими ўтказилди. Тадбирда Халқ қабулхоналари юртимизда аҳоли мурожаатларини ўрганиш ва жойлардаги муаммоларни тезкор ҳал этишда самарали тизимга айлангани таъкидланди. Хусусан, ўтган 2018 йилда Навоий вилоятидаги Халқ қабулхоналари­га жисмоний ва юридик шахс­лардан 15 мингдан зиёд ариза тушиб, уларнинг қарийб 12 мингтаси ижобий ҳал этилган.

 

photo5393616623648221880.jpg

 

– Хизмат автомобиллари фаолиятимиз самарадорлигини янада ошириш, чекка ҳудудлар аҳолиси муаммоларини жойида ўрганиш ва ҳал этиш имкониятини кенгайтиради, – дейди Ўзбекистон Республикаси Президентининг Зарафшон шаҳридаги Халқ қабулхонаси мудири Э.Нурмуҳаммадов. – Энди аҳоли муаммоларига уйма-уй юриб, мутасадди ташкилотлар ҳамкорлигида ечим топамиз.

 

Тадбирда Навоий вилояти ҳокими Қ.Турсунов сўзга чиқди.

 

Нуриддин Раҳимов, ЎзА​​

Фойдали ресурслар