Qorako‘l tumanida “Buxoro tajribasi” – sadoqat namunasi” tamoyili asosida qator amaliy loyihalarga qo‘l urilmoqda.

Yurtimizda xotin-qizlarni har tomonlama qo‘llab-quvvatlash borasida olib borilayotgan islohotlar qorako‘llik ayollar uchun ham imkoniyatlar yaratmoqda.  

– Tikuv mashinam yaroqsizligi sabab, o‘zim sevgan ishim bilan shug‘ullanolmay qolgandim. Menga yangi zamonaviy tikuv mashinasi olib berilganidan juda xursandman. Endi ishimda ham unum bo‘ladi, qolaversa, oilamiz moddiy ehtiyojini, ro‘zg‘or kam-ko‘stini shu mehnatim bilan qoplashga harakat qilaman, – deydi Gulandon Rahmatova.  

Tuman hokimi Xurshid Toxirov 1-ma’muriy sektor hududidagi mahallalarda yashovchi, ijtimoiy himoya reyestrida turgan bir guruh ehtiyojmand xotin-qizlarga subsidiya asosida zamonaviy tikuv mashinalarini o‘z egalariga topshirib, oilalarga qo‘shimcha daromad topishga imkon berishini ta’kidladi.