Қоракўл туманида “Бухоро тажрибаси” – садоқат намунаси” тамойили асосида қатор амалий лойиҳаларга қўл урилмоқда.

Юртимизда хотин-қизларни ҳар томонлама қўллаб-қувватлаш борасида олиб борилаётган ислоҳотлар қоракўллик аёллар учун ҳам имкониятлар яратмоқда.  

– Тикув машинам яроқсизлиги сабаб, ўзим севган ишим билан шуғулланолмай қолгандим. Менга янги замонавий тикув машинаси олиб берилганидан жуда хурсандман. Энди ишимда ҳам унум бўлади, қолаверса, оиламиз моддий эҳтиёжини, рўзғор кам-кўстини шу меҳнатим билан қоплашга ҳаракат қиламан, – дейди Гуландон Раҳматова.  

Туман ҳокими Хуршид Тохиров 1-маъмурий сектор ҳудудидаги маҳаллаларда яшовчи, ижтимоий ҳимоя реестрида турган бир гуруҳ эҳтиёжманд хотин-қизларга субсидия асосида замонавий тикув машиналарини ўз эгаларига топшириб, оилаларга қўшимча даромад топишга имкон беришини таъкидлади.