Namangan shahridagi “Barkamol avlod” kichik sanoat zonasida viloyat hokimi o‘rinbosari A. Abduhamidov, shahar hokimi A. Otaxo‘jayev hamda tadbirkorlarning ochiq muloqoti o‘tkazildi.

Muloqotda tadbirkorlarni qiynab kelayotgan muammolar va takliflar tinglandi.  

Tadbirkorlar tomonidan asosan gaz ta’minoti, kadastr, soliq hamda kredit masalasidagi muammolar bildirildi. Murojaatlarni qonuniy yechimga keltirish bo‘yicha mutasaddilarga tegishli ko‘rsatmalar berildi.  

Uchrashuv ishtirokchilari Diyor mahallasida tashkil etilgan tadbirkorlik faoliyati bilan ham tanishdi.  

Dastlab, Mubosher Mamadaliyev rahbarlik qilayotgan poyabzal ishlab chiqarish korxonasi faoliyati ko‘zdan kechirildi. Ushbu korxonada 20 nafar fuqaro bandligi ta’minlangan.  

O‘rganishlar davomida “Akramjon Abdulhamidov” tikuvchilik korxonasi, kichik hajmdagi elektr shitlari ishlab chiqarish korxonasi faoliyati bilan ham tanishildi.  

Tadbirkorlar bilan muloqotda korxonalar faoliyatini kengaytirish, yangi zamonaviy ko‘p qavatli binolar qurib, bu yerni tadbirkorlar markaziga aylantirish taklifi berildi.