Samarqand viloyati sudi raisi va viloyat ma’muriy sudi raisi Samarqand shahridagi “Ishga marhamat” monomarkazida aholi bilan uchrashuv va sayyor qabul o‘tkazdi.
Tadbirda, shuningdek, viloyat sudi hamda jinoyat, fuqarolik ishlari bo‘yicha Samarqand shahar sudlari, Samarqand shahar iqtisodiy sudi sudyalari ishtirok etdi.
Dastlab viloyat sudi raisi Olim Hayitov va viloyat ma’muriy sudi raisi Tohir Fayziyev sud-huquq islohotlari, qonunchilikdagi yangiliklar haqida tushuncha berdi.
Qabul jarayonida 67 nafar fuqaroning jinoyat, fuqarolik, iqtisodiy va ma’muriy masalalar yuzasidan murojaatlari ko‘rib chiqildi. Aksariyat murojaatlar shu yerning o‘zida ijobiy hal qilindi, qolganlari bo‘yicha arizalar qabul qilindi va huquqiy tushuntirish berildi.
Sayyor qabulda sodir qilgan jinoiy qilmishi uchun sud hukmi bilan jazo o‘tayotgan 59 nafar fuqaro qilmishidan pushaymonligi, tegishli xulosa chiqarganligi, tuzalish yo‘liga qat’iy o‘tganligini, bundan buyon sog‘lom turmush tarzi asosida hayot kechirishini bildirib, jazoning o‘talmay qolgan qismidan ozod qilishni so‘radi.
Shu yerda Jinoyat ishlari bo‘yicha Samarqand shahar sudining sayyor sud majlisi tashkil etilib, har bir holat alohida ko‘rib chiqildi va murojaatlar qanoatlantirildi.
Jazodan ozod qilingan yoki jazosi yengillashtirilgan fuqarolarga monomarkazda kasb o‘rganish tavsiya etildi. O‘qish istagini bildirgan uch nafar sobiq mahkum o‘zlari tanlagan kasb bo‘yicha o‘qishga jalb qilindi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |