Самарқанд вилояти суди раиси ва вилоят маъмурий суди раиси Самарқанд шаҳридаги “Ишга марҳамат” мономарказида аҳоли билан учрашув ва сайёр қабул ўтказди.
Тадбирда, шунингдек, вилоят суди ҳамда жиноят, фуқаролик ишлари бўйича Самарқанд шаҳар судлари, Самарқанд шаҳар иқтисодий суди судьялари иштирок этди.
Дастлаб вилоят суди раиси Олим Ҳайитов ва вилоят маъмурий суди раиси Тоҳир Файзиев суд-ҳуқуқ ислоҳотлари, қонунчиликдаги янгиликлар ҳақида тушунча берди.
Қабул жараёнида 67 нафар фуқаронинг жиноят, фуқаролик, иқтисодий ва маъмурий масалалар юзасидан мурожаатлари кўриб чиқилди. Аксарият мурожаатлар шу ернинг ўзида ижобий ҳал қилинди, қолганлари бўйича аризалар қабул қилинди ва ҳуқуқий тушунтириш берилди.
Сайёр қабулда содир қилган жиноий қилмиши учун суд ҳукми билан жазо ўтаётган 59 нафар фуқаро қилмишидан пушаймонлиги, тегишли хулоса чиқарганлиги, тузалиш йўлига қатъий ўтганлигини, бундан буён соғлом турмуш тарзи асосида ҳаёт кечиришини билдириб, жазонинг ўталмай қолган қисмидан озод қилишни сўради.
Шу ерда Жиноят ишлари бўйича Самарқанд шаҳар судининг сайёр суд мажлиси ташкил этилиб, ҳар бир ҳолат алоҳида кўриб чиқилди ва мурожаатлар қаноатлантирилди.
Жазодан озод қилинган ёки жазоси енгиллаштирилган фуқароларга мономарказда касб ўрганиш тавсия этилди. Ўқиш истагини билдирган уч нафар собиқ маҳкум ўзлари танлаган касб бўйича ўқишга жалб қилинди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |