Mamlakatimiz bo‘ylab «Obod xonadon – obod ko‘cha – obod mahalla» mezonlarini joriy etish bo‘yicha olib borilayotgan bunyodkorlik va obodonlashtirish ishlari Toshkent shahrining Yangihayot tumanida ham o‘z aksini topmoqda.

Shu kunlarda Yangihayot tumanidagi Xo‘ja Uchqun mahallasida aholi murojaatlariga asosan bunyodkorlik va obodonlashtirish ishlari olib borilmoqda. Xususan, «Obod mahalla» dasturiga binoan hududga rejadagi 24 ming kv.metrdan amalda 11 ming kv.metr asfalt yotqizildi. Qolaversa, 128 ta yoritgichlar yangidan o‘rnatildi. Shuningdek, mahalla ahliga yanada qulaylik yaratish maqsadida tashlandiq bo‘lgan 800 kv.m hudud sayilgohga aylantirilmoqda.  

Ma’lumot o‘rnida, mazkur mahallada 3000 dan ortiq aholi yashaydi. Xonadonlar soni 665 ta va ularda 872 ta oila istiqomat qiladi.