Buxoro viloyati Shofirkon tumanining “Talisafed” mahalla fuqarolar yig‘inida sektor rahbarlari, mahalla faollari, ilg‘or tadbirkorlar hamda ishsiz aholi vakillari jalb qilingan holda seminar tashkil etildi.

Tadbirda ishtirokchilarga davlatimiz rahbari tashabbusi bilan joylarda “Sayxunobod” va “Uychi” tajribalari asosida aholi daromadini oshirish, yangi ish o‘rinlarini yaratish, tadbirkorlik bilan shug‘ullanish, tomorqadan unumli foydalanish kabi yo‘nalishlarda olib borilayotgan keng ko‘lamli ishlar borasida batafsil ma’lumot berildi. 

Ochiq muloqot davomida tadbirkorlar o‘z bilim va tajribasi bilan o‘rtoqlashdi. Qo‘shimcha daromad topish mumkin bo‘lgan faoliyat turlari borasida batafsil fikrlashildi. 

Jumladan, “LIVADIYA-BUKHARA” MCHJ tomonidan taqdim qilinayotgan mevalarni quritish dastgohlari yordamida 20 dan ziyod xildagi quruq meva mahsulotlarini tayyorlash, tomorqalarda bozorbop mahsulotlar yetishtirish yoki har bir xonadonda qo‘ziqorin hosilini olish mumkinligi ishtirokchilarga aniq misollar bilan ko‘rsatib berildi. 

Ana shunday o‘quv- seminarlar boshqa hududlarda ham bo‘lib o‘tmoqda. 

Seminarlarda Prezident maslahatchisi o‘rinbosari – Xalq qabulxonasi rahbari U.Muhammadiyev boshchiligidagi Respublika ishchi guruhi qatnashmoqda. Maqsad mahallalarda aholi bandligini ta’minlash va daromadini oshirishdir.