Farg‘ona viloyati hokimi Xayrullo Bozorov viloyat bolalar ko‘p tarmoqli tibbiyot markazida bo‘lib, onkogematologiya, kardioxirurgiya, neyroxirurgiya va chaqaloqlar xirurgiyasi bo‘limlarida davolanayotgan 48 nafar bola va ularning onalarini Yangi yil bilan tabrikladi, bayram sovg‘alarini topshirdi.

Viloyat rahbari bolalar va ularning onalariga dalda berdi, tezroq sog‘ayib ketishlarini tiladi.

Davlatimiz rahbarining onalik va bolalikni muhofaza qilishga bo‘lgan alohida e’tibori natijasida va qarorlari ijrosi doirasida barpo etilgan, bir yil avval – 2022 yil 27 dekabrda foylalanishga topshirilgan 3 qavatli onkogematologiya, kardioxirurgiya, neyroxirurgiya va chaqaloqlar xirurgiyasi bo‘limlari binosi eng ilg‘or xorijiy jihozlar bilan ta’minlanib, bemor bolalar va ularning ota-onasi uchun barcha shart-sharoitlar yaratilgan.

Bolalarning davolanishi bilan birga ta’lim-tarbiyasi ham e’tiborda. Bu yerda “Zamin” fondi tomonidan tashkil etilgan “Mehrli maktab” va “Ilk qadam” nomli maktab va bog‘cha go‘shalarida bolalar bilim olib, qiziqarli mashg‘ulotlar o‘tmoqda.