Yangi yil bayrami arafasida Namanganda nogironligi boʻlgan, ijtimoiy himoyaga muhtoj fuqarolardan 5 nafari yangi uy bilan taʼminlandi.

Namangan shahrining “Dashtbogʻ” mahalla fuqarolar yigʻini hududida qurib bitkazilgan uch qavatli yangi uy-joyga imkoniyati cheklangan, ehtiyojmand fuqarolarning oilalari koʻchib kirdi. Barcha qulayliklarga ega zamonaviy xonadon sohiblarining quvonchi cheksiz. 

–Uch farzandimiz bor, – deydi yangi uy sohibalaridan biri Nurxon Barchinaliyeva. – Yaratganga shukr, davlatimizning eʼtibori bilan uzoq yillik orzuimiz ushalib, oʻz uyimizga ega boʻldik. Yangi yilda yangi uyda qoʻshaloq bayram nishonlaymiz. 

Hotam Mamadaliyev (surat), OʻzA