Янги йил байрами арафасида Наманганда ногиронлиги бўлган, ижтимоий ҳимояга муҳтож фуқаролардан 5 нафари янги уй билан таъминланди.

Наманган шаҳрининг “Даштбоғ” маҳалла фуқаролар йиғини ҳудудида қуриб битказилган уч қаватли янги уй-жойга имконияти чекланган, эҳтиёжманд фуқароларнинг оилалари кўчиб кирди. Барча қулайликларга эга замонавий хонадон соҳибларининг қувончи чексиз. 

–Уч фарзандимиз бор, – дейди янги уй соҳибаларидан бири Нурхон Барчиналиева. – Яратганга шукр, давлатимизнинг эътибори билан узоқ йиллик орзуимиз ушалиб, ўз уйимизга эга бўлдик. Янги йилда янги уйда қўшалоқ байрам нишонлаймиз. 

Ҳотам Мамадалиев (сурат), ЎзА