Bugun Bosh vazir o‘rinbosari Z.Mahkamova Sirdaryo viloyati hokimi o‘rinbosari – Oila va xotin-qizlar boshqarmasi boshlig‘i N.Tojiboyeva hamrohligida Sayxunobod tumani “Olg‘abos” mahallasida bo‘lib, xotin-qizlar bandligini ta’minlash, ularni kasb-hunarga o‘qitish jarayonlari bilan tanishdi hamda “Ayollar daftari”da ro‘yxatda turgan ayollarga ajratilgan yer maydonlarini ko‘zdan kechirdi.

Shuningdek, mahalladagi Hasanovlar xonadonida choponchilik, ko‘rpa yostiq tikish kabi hunarmandchilik turlarini davom ettirib kelayotgan xotin-qizlar bilan suhbat samimiy kechdi.  

Ayniqsa, Qoraboyevlar xonadonida suzmadan qurt tayyorlash, Abdumalikovlar xonadonida yo‘lga qo‘yilgan nonvoychilik hamda “Ustoz-shogird” an’analari asosida gilam to‘qish kabi hunarmandchilik turlari tadbir ishtirokchilarida katta taassurot qoldirdi.  

Mahalladagi ishchiz xotin-qizlarni gilamchilik yo‘nalishi bo‘yicha o‘qitish jarayonlari kelgusida olg‘aboslik ayollar orasida gilamdo‘zlik kundan-kunga rivojlanib borayotganligidan dalolatdir.

Bosh vazir o‘rinbosari Qurbon hayiti bayrami munosabati bilan 4 nafar yotib qolgan bemorlar holidan xabar oldi va ularga oziq-ovqat mahsulotlari tarqatildi.