Namangan viloyati To‘raqo‘rg‘on tumanida viloyat soliq boshqarmasi boshlig‘i A. Boyxonov tuman hokimi A. Mansurov hamrohligida jismoniy va yuridik shaxslar uchun qabul o‘tkazdi.

Sayyor qabulda tadbirkorlik faoliyatini rivojlantirish, uy-joy olish, tibbiy yordam ko‘rsatilishi, merosga egalik qilish, bolalar nafaqasi kabi masalalarda murojaatlar tinglandi.

Tadbir doirasida tuman kambag‘allikni qisqartirish va bandlikka ko‘maklashish bo‘limi tomonidan bo‘sh ish o‘rinlari mehnat yarmarkasi tashkil etildi. Unda  97 ta korxona, tashkilot va muassasa 930 dan ziyod bo‘sh ish o‘rni bilan ishtirok etdi.

Mehnat yarmarkasida 14 nafar fuqaro ishga joylandi, 8 nafariga qayta kasbga o‘qish uchun yo‘llanma berildi. “Ayollar daftari”ga kiritilgan ehtiyojmand xotin-qizlarga tadbirkorlik faoliyatini boshlashi uchun subsidiya asosida tikuv mashinalari ajratildi.