Наманган вилояти Тўрақўрғон туманида вилоят солиқ бошқармаси бошлиғи А. Бойхонов туман ҳокими А. Мансуров ҳамроҳлигида жисмоний ва юридик шахслар учун қабул ўтказди.

Сайёр қабулда тадбиркорлик фаолиятини ривожлантириш, уй-жой олиш, тиббий ёрдам кўрсатилиши, меросга эгалик қилиш, болалар нафақаси каби масалаларда мурожаатлар тингланди.

Тадбир доирасида туман камбағалликни қисқартириш ва бандликка кўмаклашиш бўлими томонидан бўш иш ўринлари меҳнат ярмаркаси ташкил этилди. Унда  97 та корхона, ташкилот ва муассаса 930 дан зиёд бўш иш ўрни билан иштирок этди.

Меҳнат ярмаркасида 14 нафар фуқаро ишга жойланди, 8 нафарига қайта касбга ўқиш учун йўлланма берилди. “Аёллар дафтари”га киритилган эҳтиёжманд хотин-қизларга тадбиркорлик фаолиятини бошлаши учун субсидия асосида тикув машиналари ажратилди.