Muborak Ramazon oyi munosabati bilan Xo‘jaobod tumanining Bahrin va Navbahor mahallalarida yashovchi kam ta’minlangan, ijtimoiy ko‘makka muhtoj, ehtiyojmand fuqarolari uchun iftorlik dasturxoni yozildi.

Ramazon oyi nafaqat ibodat, Allohning ajru savoblariga erishish, balki xayru saxovat, insonlar o‘rtasida mehr-oqibat rishtalarini mustahkamlovchi muborak oydir. Muborak Ramazon munosabati bilan Xo‘jaobod tumani hokimligi tomonidan ehtiyojmand oilalar vakillari uchun tashkil etilgan iftorlik xalqimizga xos, insoniylikning yuksak ko‘rinishini o‘zida aks ettiruvchi qadriyatlarimizning bir ko‘rinishi bo‘ldi.  

Iftorlikda tuman hokimi O‘tkirbek Shukurov, tuman bosh imom-xatibi Maqsudali Qosimov ishtirok etib, barchani Ramazon oyi bilan muborakbod etdi. Iftorlikda qatnashgan nuroniy otaxonlar yurtimiz tinchligi, xalqimiz farovonligini tilab duo-fotihalar qildi.