O‘zbekiston Respublikasi Oliy Majlisi Qonunchilik palatasi deputati Barno Mirzamova Namangan viloyati Uychi tumanida saylovchilar bilan uchrashdi.

Deputat mahallalarda infratuzilmani yaxshilash borasida amalga oshirilayotgan ishlar bilan tanishdi. “Oqtosh” MFYda saylovchilarning qishloq vrachlik punkti qurilishi bo‘yicha qilgan murojaatlari o‘rganildi. Shu bilan birga, O‘zbekiston Respublikasi Prezidentining 2022 yil 10 sentyabrdagi “Dehqon xo‘jaliklari tashkil etishni qo‘llab-quvvatlash orqali aholi daromadlarini oshirish bo‘yicha qo‘shimcha chora-tadbirlar to‘g‘risida”gi qarori ijrosi bo‘yicha qilingan ishlarni o‘rgandi.  

Shuningdek, Fayziobod va Quvurboshi mahallalarida hudud infratuzilmasini yanada yaxshilash bo‘yicha amalga oshirilayotgan ishlar mahalliy Kengash deputatlari ishtirokida ko‘rildi. Deputat har ikki mahallada saylovchilar bilan uchrashib, ularning murojaatlarini tingladi.