Ўзбекистон Республикаси Олий Мажлиси Қонунчилик палатаси депутати Барно Мирзамова Наманган вилояти Уйчи туманида сайловчилар билан учрашди.

Депутат маҳаллаларда инфратузилмани яхшилаш борасида амалга оширилаётган ишлар билан танишди. “Оқтош” МФЙда сайловчиларнинг қишлоқ врачлик пункти қурилиши бўйича қилган мурожаатлари ўрганилди. Шу билан бирга, Ўзбекистон Республикаси Президентининг 2022 йил 10 сентябрдаги “Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида”ги қарори ижроси бўйича қилинган ишларни ўрганди.  

Шунингдек, Файзиобод ва Қувурбоши маҳаллаларида ҳудуд инфратузилмасини янада яхшилаш бўйича амалга оширилаётган ишлар маҳаллий Кенгаш депутатлари иштирокида кўрилди. Депутат ҳар икки маҳаллада сайловчилар билан учрашиб, уларнинг мурожаатларини тинглади.