Navoiy viloyatining olis cho‘l hududlari sanalmish Uchquduq va Tomdi tumanlari, Zarafshon shahrida ob-havo boshqa hududlarga qaraganda yozda issiq, qishda esa ancha sovuq bo‘ladi. Aholi esa sovuq kunlarni odatiy kun hisoblaydi.
Aholini qiynayotgan muammolar xalq ichiga chuqur kirib borilgandagina yaxshi bilinadi. Aytish joizki, Uchquduq tuman hokimi Soli Hamroyevning eng og‘ir, eng chekka hududlarga borib uyma-uy yurib aholi muammolarini o‘rganayotgani o‘z samarasini bermoqda.
bugungi kunda “Istiqlol” MFYga qarashli “Boxantau” aholi yashash punktida 112 ta xonadonda 525 nafar aholi istiqomat qiladi.
Tuman hokimi shu yerga borib, aholi muammolarini o‘rgandi. Elektr energiya, gaz, obodonlashtirish kabi tashkilotlar mutasaddilari ham ishtirok etgan o‘rganishlar davomida qo‘rg‘oncha aholisi tomonidan bildirilgan murojaat va takliflar o‘z joyida ijobiy hal etildi.
Jumladan, Malika Yusupova ikki nafar farzandi va turmush o‘rtog‘i bilan bir xonali uyda yashab kelmoqda. Farzandlari katta bo‘lib qolgani sabab yonidagi bo‘sh turgan bir xonali uyni qo‘shib berishlarini so‘rab murojaat qildi.
“Konchilar” ko‘chasida yashovchi onaxon Jibek Algibayeva esa oila a’zolari 7 kishidan iboratligi, nogiron qizi bo‘lganligi sabab, subsidiya asosida uy olishga ko‘mak so‘radi. Onaxonning xonadonidagi mavjud elektr simlari tuman elektr ta’minoti korxonasi mutaxassislari tomonidan qayta o‘rnatib beriladigan bo‘ldi.
Uyma-uy o‘rganishlar davomida qilingan barcha murojaatlar yuzasidan tuman rahbari tomonidan mutasaddilarga aniq topshiriqlar berildi va nazoratga olindi.
Shuningdek, mahalla fuqarolar yig‘ini mutasaddilariga tuman obodonlashtirish boshqarmasi balansidagi bo‘sh turgan uylarni aniqlash, kelgusida uy-joyga ehtiyoji bor oilalarga berish maqsadida qo‘rg‘oncha aholisi o‘rtasida xatlov o‘tkazish vazifasi topshirildi.
Bundan tashqari, tuman rahbari 7-sonli maktabgacha ta’lim tashkilotida bo‘lib, qishning sovuq kunlariga tayyorgarligini ham ko‘zdan kechirdi.
Albatta, xalq bilan muloqot nafaqat murojaatlarni tinglash, balki aholining kundalik hayoti bilan tanishish, masalalarni joyida bartaraf etishga qaratilganligi bilan ham ahamiyatlidir.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |