Narzullo Oblomuradov, Davlat ekologiya qo‘mitasi raisi:

— O‘zbekiston Respublikasi Prezidenti Shavkat Mirziyoyev tashabbusi bilan 2019 – 2022 yillarda Orol dengizining qurigan tubida jami 1 mln. 732 ming gektar maydonda saksovul va boshqa cho‘l o‘simliklari ekilib, yashil qoplamalar hududi 2 million gektardan oshirildi.

Bu boradagi ishlar kelgusi yillarda ham tizimli ravishda hayotga tatbiq etilishi belgilangan. Xususan, Orol dengizining qurigan tubida 2023 – 2026 yillarda yana 400 ming gektar maydonda “yashil qoplamalar” yaratiladi.

Shveysariyaning Syurix shahrida joylashgan “Growther Lab” tadqiqot markazi ilmiy izlanishlari ko‘rsatadiki, sayyoramiz iqlimi o‘zgarishining oldini olishning eng maqbul yo‘li yangi daraxtzorlarni keskin ko‘paytirishdir. bugungi dunyo aholisiga 4,4 milliard gektar daraxtzor bo‘lishi kerak. Ammo sayyoramizda atiga 2,8 milliard gektar o‘rmon bor, ya’ni yana 1,6 milliard gektarga ehtiyoj mavjud.