Termiz shahriga yangi tayinlangan hokim O‘ktam To‘rayev ilk uchrashuvini yoshlar bilan o‘tkazdi. “Chegara” mahallasida bo‘lib o‘tgan uchrashuvda sektorlar, mutasaddi tashkilot rahbarlari hamda 1-sektordagi “Bog‘zor”, “Manguzar”, “Chegara” va “Mehrobod” mahalla fuqarolar yig‘ini yoshlari ishtirok etdi.

Dastlab, Yoshlar ishlari agentligi Termiz shahar bo‘limi tomonidan joriy yilning 9 oyi mobaynida amalga oshirilgan ishlar bo‘yicha taqdimot qilindi. 

Ochiq muloqot ko‘rinishida o‘tkazilgan uchrashuvda yoshlarning muammolari tinglanib, aksariyati joyida hal etildi. Xususan, ishga joylashish, “Yoshlar daftari”da ro‘yxatda turuvchi yosh oila farzandlariga sog‘ligini tiklash va jarrohlik xarajatlarini to‘lab berish, talabalarning shartnoma to‘lovi kabi masalalardagi murojaatlariga belgilangan tartibda amaliy yordam ko‘rsatiladigan bo‘ldi.

Shuningdek, bajarilishi muddat talab etadigan murojaatlarni ijobiy hal etish bo‘yicha mutasaddilarga tegishli topshiriq berilib, ijrosi qat’iy nazoratga olindi.