2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq ta’lim vaziri iqtidorli o‘quvchilar bilan uchrashdi

Izzatbek Yusupov Farg‘ona viloyati Furqat tumanidagi 13-maktabning 7-sinf o‘quvchisi. Til o‘rganishga ishtiyoqi baland o‘smir yigit rus va ingliz tillarini mukammal biladi.

E’tiborlisi, Izzatbek ingliz tilidan qo‘shimcha darslarga bormaydi. Darsdan keyin bo‘sh vaqtida onasi bilan ingliz tilida suhbatlashadi, birgalikda dars tayyorlaydi. Olgan bilimlarini boshlang‘ich sinf o‘quvchilariga kichik dars mashg‘ulotlari tashkil etib, o‘rgatadi. Til o‘rganish va o‘rgatishdan bo‘sh vaqtida she’r va hikoyalar ham yozadi.

“Kamalak yulduzlari” festivalining viloyat bosqichida “nazm va nashr” yo‘nalishida ishtirok etgan Izzatbek birinchi o‘rinni qo‘lga kiritib, mamlakat bosqichida qatnashdi. Uning “orzular bahori” she’riy to‘plamida dastlabki ijodidan namunalar chop etilgan. Izzatbekning she’r va hikoyalari turli nashrlarda muntazam ravishda e’lon qilinmoqda. “Non isi”, “Yo‘l-yo‘lakay”, “Sovg‘a” nomli hikoyalari shular jumlasidan.  

Xalq ta’limi vaziri Baxtiyor Saidov iqtidorli o‘quvchilar Izzatbek Yusupov hamda Zahroxon Rahmatullayeva bilan uchrashdi. Samimiy  suhbat tarzida o‘tgan uchrashuvda vazir Izzatbek va Zahroxon kabi iqtidorli o‘quvchilar soni yanada ko‘payishi, maktabda ta’lim olayotgan har bir o‘g‘il qiz “vatanim uchun nima qildim?” deb o‘ziga o‘zi savol berishi, O‘zbekiston rivoji uchun o‘z bilimi bilan hissa qo‘shishi zarurligi ta’kidladi. O‘quvchilarning zamonaviy bilimlarni puxta egallashlari uchun zarur tavsiya va takliflarini bildirdi.  

Izzatbek Yusupov ingliz va rus tillarini mukammal o‘rganayotgani, bo‘sh vaqtida boshlang‘ich sinf o‘quvchilariga ham til o‘rgatishi, she’riyatga qiziqishi haqida faxr bilan so‘zladi. Shu maktabning 8-sinf o‘quvchisi Zahroxon Rahmatullayevaning teran fikrlari, keng dunyoqarashi suhbat davomida yaqqol ko‘zga tashlandi. 

04.08.2022

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Иш ҳақи ва унга тенглаштирилган тўловларни ундиришИшонч телефони5 Iyun 202117 Iyun 2021Andijon viloyati

Foydali resurslar