Joriy yilning 25-iyul kuni Senatning Sud-huquq masalalari va korrupsiyaga qarshi kurashish qoʻmitasi oʻrinbosari Sh.Choʻlliyev fuqarolar qabulini oʻtkazdi.

Senat devonining Jismoniy va yuridik shaxslarning murojaatlari bilan ishlash boʻlimi tomonidan tashkil etilgan mazkur qabul jarayoniga 40 dan ortiq fuqarolar tashrif buyurib, oʻzlarini qiynayotgan muammolar boʻyicha murojaat qildi.

Qabul jarayonida 18 nafar fuqaroga murojaatlarda koʻtarilgan masalalar yechimi yuzasidan huquqiy maslahat va tushuntirishlar berildi. 22 nafar fuqaroning murojaatlari “Jismoniy va yuridik shaxslarning murojaatlari toʻgʻrisida”gi Qonun normalari asosida tegishli tartibda rasmiylashtirildi.

Murojaatlarning asosiy qismini ijtimoiy soha hamda sud-huquq masalalari tashkil etdi.

Senator tomonidan murojaatlarni toʻliq oʻrganib chiqish hamda natijalari boʻyicha qonuniy qaror qabul qilish yuzasidan mutasaddi vazirlik va idoralar, hududlardagi masʼul rahbarlarga tegishli koʻrsatmalar berildi.