Hududlarda aholi uchun qulay shart-sharoitlar yaratish, ayniqsa, ko‘p qavatli uylar aholisi uchun yaratilayotgan imkoniyatlarni kengaytirish, turar-joylarni zamonaviy kommunal servis xizmatlari bilan ta’minlash muhim masalalardandir.

Uy-joy kommunal xizmat ko‘rsatish vaziri Sherzod Hidoyatov sohada amalga oshirilayotgan ishlar va islohotlarning borishini ko‘zdan kechirish maqsadida Buxoro viloyatiga tashrif buyurdi.  

Vazir dastlab, Buxoro shahrida joylashgan "City centre" boshqaruv servis kompaniyasida bo‘ldi. Mazkur boshqaruv servis kompaniyasi tomonidan hududdagi ko‘p qavatli uylar aholisi uchun yaratilayotgan shart-sharoitlar, imkoniyatlarni birma-bir ko‘zdan kechirdi.  

Aholiga texnik xizmat ko‘rsatish bilan bir qatorda kompaniya qoshida zamonaviy kommunal servis xizmatlari faoliyati yo‘lga qo‘yilganligini har jihatdan qo‘llab-quvvatladi. Boshqaruv servis kompaniyasi faoliyatini yanada takomillashtirish yuzasidan zaruriy tavsiyalar va ko‘rsatmalar berildi.  

Shundan so‘ng vazir hududdagi yana bir boshqaruv servis kompaniyasi —"Buxoro kommunal servis"da bo‘lib, kompaniya tomonidan amalga oshirilayotgan ishlar ko‘lami bilan tanishdi. Faoliyatni yanada yaxshilash, aholiga ko‘rsatilayotgan xizmatlar ko‘lamini yanada kengaytirish yuzasidan tegishli tavsilar berildi.