2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Erkinjon Turdimov: “Avvalo yoshlar o‘zlari tanlagan soha va yo‘nalish bo‘yicha puxta bilim olishi, o‘z ishining ustasi bo‘lishi lozim”

Samarqandda “Yangi O‘zbekiston yoshlari, birlashaylik!” shiori ostida kecha boshlangan yoshlar festivalining birinchi kuni viloyatning barcha tuman va shaharlari hokimlari boshchiligidagi yigit-qizlarning “Zakovat” intellektual o‘yini hamda Sharof Rashidov nomidagi Samarqand davlat universiteti va Samarqand davlat tibbiyot universiteti tomonidan tashkil etilgan madaniy dasturlar bilan yakunlandi.

“Zakovat” intellektual o‘yinida birinchi o‘rinni Payariq tumani jamoasi, ikkinchi va uchinchi o‘rinlarni Narpay va ishtixonlik yoshlar egalladi. G‘olib jamoalarga 500, 300 va 200 tadan kitoblar hamda pul mukofotlari berildi. 

Festivalning ikkinchi kungi tadbirlari Samarqand davlat arxitektura-qurilish institutida “Hokim va bitiruvchi yoshlar uchrashuvi” bilan boshlandi. Uchrashuvda bugungi kunda viloyatdagi korxona va tashkilotlarda mavjud hamda yaratilishi ko‘zda tutilgan ish o‘rinlari, kasb-hunar egallagan, ma’lum bir mutaxassislik diplomiga ega yoshlarni ishga joylashtirish bo‘yicha olib borilayotgan ishlar, bu jarayondagi muammo va kamchiliklar haqida so‘z yuritildi. 

E.Turdimov bitiruvchi, korxona va tashkilotlar hamda oliy o‘quv yurtlari o‘rtasida tuzilayotgan uch tomonlama shartnoma tizimi o‘zini oqlamayotgani, bu muammoni vaqtincha yashirib turishgagina xizmat qilayotganini ta’kidladi.

– Avvalo yoshlar o‘zlari tanlagan soha va yo‘nalish bo‘yicha puxta bilim olishi, o‘z ishining ustasi bo‘lishi lozim – dedi viloyat hokimi. – Hozir diplomli yoshlar ko‘p, ish beruvchi eng bilimli, o‘z sohasini yaxshi bilgan mutaxassisni ishga oladi. Zamon talabi shunday. Lekin, boshqa yoshlarimiz ham ishsiz qolmasligi kerak. O‘ziga, salohiyatiga yarasha ish topib berishimiz, tadbirkorlikka yo‘naltirishimiz, xullas, bo‘sh qoldirmasligimiz zarur.

Uchrashuvda yoshlar ishga joylashish yuzasidan murojaat qilish bilan birga o‘z takliflarini ham bildirdi. Viloyat hokimi esa bitiruvchilarni ishga joylashtirish bo‘yicha platforma yaratish taklifini aytdi.

– Uchrashuvda bir necha taklif va savollarimni o‘rtaga tashladim, – deydi Samarqand davlat universiteti bitiruvchisi Mohinur Ro‘ziyeva. – To‘rt yildan beri “O‘zbekiston xotin-qizlari: o‘tmish va bugun” mavzusida, ya’ni gender tenglik masalasida ilmiy izlanish olib boryapman. Shundan kelib chiqib, viloyatimizda xotin-qiz rahbarlar tayyorlash masalasiga e’tibor qaratish bo‘yicha taklif bildirdim. Hokimimiz bu taklifni qo‘llab-quvvatladi. Shaxsan meni viloyat hokimi o‘rinbosariga “ustoz-shogird” an’anasi bo‘yicha biriktirdi. 

Uchrashuvda bitiruvchilar murojaatlari yechimi bo‘yicha mutasaddilarga topshiriqlar berildi. Ayni paytda festival doirasida viloyatdagi umumta’lim maktablari o‘qituvchilari o‘rtasida 14 fandan “Viloyat hokimi olimpiadasi” o‘tkazilmoqda. 

24.06.2022

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar