Qashqadaryo viloyati Kasbi tumanidagi Qamashi mahallasida 6 mingdan ziyod aholi istiqomat qiladi.

Hududda  “Obod qishloq” dasturi doirasida keng ko‘lamli ishlar amalga oshirilib, aholi turmush farovonligi yanada yaxshilandi. 

Xususan, mahallaga olib keluvchi yo‘l bo‘yida 40 dan ortiq yengil konstruksiyali savdo va xizmat shoxobchalari qurildi. Bu orqali 200 nafarga yaqin aholi ishli bo‘ldi.

Xonadonlar elektr energiyasi, tabiiy gaz va ichimlik suvi bilan ta’minlandi. 8 kilometrdan ortiq ichki yo‘llarga asfalt,18 kilometrdan ziyod qismiga qum-shag‘al yotqizildi.

Mahallada joriy yilda 600 nafar xotin-qiz kasanachilik asosida tikuvchilik mahsulotlari ishlab chiqarishga jalb qilindi.

Shuningdek, kooperatsiya asosida 50 xonadonda inkubator orqali jo‘ja ko‘paytirish, 300 xonadonda go‘sht, 200 tasida tuxum yo‘nalishida parrandachilik tashkil etilmoqda.