Қашқадарё вилояти Касби туманидаги Қамаши маҳалласида 6 мингдан зиёд аҳоли истиқомат қилади.

Ҳудудда  “Обод қишлоқ” дастури доирасида кенг кўламли ишлар амалга оширилиб, аҳоли турмуш фаровонлиги янада яхшиланди. 

Хусусан, маҳаллага олиб келувчи йўл бўйида 40 дан ортиқ енгил конструкцияли савдо ва хизмат шохобчалари қурилди. Бу орқали 200 нафарга яқин аҳоли ишли бўлди.

Хонадонлар электр энергияси, табиий газ ва ичимлик суви билан таъминланди. 8 километрдан ортиқ ички йўлларга асфальт,18 километрдан зиёд қисмига қум-шағал ётқизилди.

Маҳаллада жорий йилда 600 нафар хотин-қиз касаначилик асосида тикувчилик маҳсулотлари ишлаб чиқаришга жалб қилинди.

Шунингдек, кооперация асосида 50 хонадонда инкубатор орқали жўжа кўпайтириш, 300 хонадонда гўшт, 200 тасида тухум йўналишида паррандачилик ташкил этилмоқда.