Buxoro viloyati “Suvoqova” davlat unitar korxonasi Romitan tumani filiali tomonidan “Obod qishloq” davlat dasturi doirasida “Poyjo‘y” mahalla fuqarolar yig‘ini hududida “Poyjo‘y” suv inshooti 25 milliard so‘m mablag‘ evaziga qayta qurilmoqda. Bu “Qoqishtuvon”, “Obidxo‘ja”, “Shavgon”, “Qushchi”, “Shodmin”, “Nalbaldon” qishloqlarining 25 mingdan ziyod aholisini toza ichimlik suvi bilan ta’minlash imkonini beradi.

Tumanning “Navbahor” mahalla fuqarolar yig‘ini hududida “Navro‘z”  suv inshooti ham aholini toza ichimlik suv bilan ta’minlashga xizmat qiladi. Inshoot hududdagi “Navbahor” hamda “Istiqlol” mahalla fuqarolar yig‘inida yashovchi aholining toza ichimlik suvga bo‘lgan ehtiyojini qondirish imkonini beradi. Buning uchun quvurlar tortildi. Suv inshooti binosi qurilib, suvni filtrlab beruvchi zamonaviy uskunalar bilan jihozlandi.
Inshootning qurilish ishlariga jami 6 milliard 400 million so‘m mablag‘ sarflangan. Mazkur suv inshooti orqali 2 ming 215 ta aholi ichimlik suvi bilan ta’minlanadi.