Prezidentimiz Shavkat Mirziyoyev raisligida shu yil 15 yanvar kuni mahallabay ishlashning yangi tizimini yo‘lga qo‘yish va aholi bandligini ta’minlash bo‘yicha 2022 yildagi ustuvor vazifalarga bag‘ishlangan videoselektor yig‘ilishi o‘tkazilgan edi.

Unda “Inson qadrini ulug‘lash va faol mahalla yili” deb e’lon qilingan mazkur yilda yurtimizdagi barcha mahallalarda tub o‘zgarishlar bo‘lishi kerakligi alohida uqtirildi. 

Buxoro shahar ikkinchi sektor rahbari, shahar prokurori Ibrohim Rasulov ushbu vazifalar ijrosi yuzasidan Buxoro shahridagi “Abdurauf Fitrat” nomidagi mahalla fuqarolar yig‘ini hududida bo‘lib, hududda olib borilayotgan obodonlashtirish, qurilish va ta’mirlash ishlari bilan tanishdi. 

Sektor rahbari hududdagi Mirakon, Kosagaron, Kamolot, Usto Sharif, Boboyi Non kash, Sobungaron, Masjidi Baland ko‘chalarida bo‘ldi. Aholi bilan uchrashib, samimiy suhbat qurdi, taklif va muammolarini tingladi. Joylardagi kamchilik va muammolarni bartaraf etish bo‘yicha mutasaddilarga topshiriqlar berdi.