Sirdaryo viloyatining 2-sektor hududi hisoblangan Sayxunobod tumanining og‘ir sharoitdagi “Nurli yo‘l” va “Yangi hayot” mahallalarida obodonlashtirish ishlari jadal suratlarda olib borilmoqda.

Sirdaryo viloyati prokurori Shoxrux Aminov ushbu hududlarda bo‘lib, olib borilayotgan ishlar holatini o‘rgandi.

Jumladan, ushbu mahallalarda 34,7 km ichki yo‘llar, 6,7 km ichimlik suvi tarmoqlari, 11 km elektr tarmoqlari, 6 ta transformator punkti, 8 km piyodalar yo‘lagini qurish, 200 dona tungi yoritish chiroqlari, 4 ta yakka tartibdagi uylar, 1 ta maktabgacha ta’lim muassasasini mukammal va joriy ta’mirlash rejalashtirilgan.

Qisqa fursatda, 3,4 km ichki yo‘llar, 1 ta transformator punkti, 4 ta yakka tartibdagi uylar ta’mirlandi, 60 ta simyog‘och yangisiga almashtirilib, 3,3 km. masofaga elektr uzatish tarmoqlari tortildi.

Sektor rahbarlari tomonidan og‘ir sharoitdagi hududlarni obodonlashtirish, ijtimoiy-iqtisodiy infratuzilmani, tadbirkorlik muhitini yaxshilash bo‘yicha amalga oshiriladigan ishlar yuzasidan tasdiqlangan “Yo‘l xaritasi”ga muvofiq ishlar davom ettirilmoqda.