Sirdaryo viloyati prokuraturasi tomonidan yoshlarni tadbirkorlikka keng jalb qilish, fuqarolar bandligini ta’minlash, aholi salomatligini yaxshilash, xotin-qizlarni ijtimoiy qo‘llab-quvvatlash maqsadida muntazam sayyor qabullar, yoshlar bilan uchrashuvlar o‘tkazib borilmoqda.

Navbatdagi uchrashuv viloyat prokurorining o‘rinbosari Abduqahhor Mullajonov tomonidan Sardoba tumanida o‘tkazildi.

Qabulda 57 nafar fuqarodan murojaatlar kelib tushgan bo‘lib, ushbu murojaatlarning 7 tasi joyida qanoatlantirildi. 2 tasiga huquqiy tushuntirishlar berilib, 9 ta murojaat ijrosi nazoratga olindi.

Jumladan, bir guruh fuqarolarning suyultirilgan gaz ballon bilan ta’minlashda amaliy yordam berish haqidagi murojaatlari joyida ijobiy hal etildi.

Shuningdek, “Yoshlar daftari”da ro‘yxatda turuvchi 5 nafar talaba yoshning oliy ta’limni davom ettirishlari uchun kontrakt to‘lovini to‘lash va 5 nafariga haydovchilik guvohnomasi olishlari uchun to‘lov sertifikatlari topshirildi.

Shundan so‘ng, tumanda jinoyat sodir etishga moyil bo‘lgan va muqaddam huquqbuzarlik sodir etganligi uchun profilaktik hisobga olingan yoshlar bilan suhbatlashildi.