Inson qadrini ulug‘lash mamlakatimizda olib borilayotgan islohotlarning asosiy mezonidir. Prezidentimiz tashabbusi bilan birgina aholiga davlat xizmatlari ko‘rsatishning milliy tizimini tubdan isloh qilish borasida ko‘plab yangiliklarga qo‘l urilmoqdaki, buning ham zamirida xalq manfaati yotibdi.
Hududlarda Davlat xizmatlari markazlarining ish boshlashi bilan fuqarolarga yengilliklar yaratildi. Uzundan-uzun navbat kutish, vaqt yo‘qotish, sarsongarchiliklarning oldi olindi. Bir so‘z bilan aytganda, fuqaro emas, hujjatlar harakat qilmoqda.
Ayni vaqtda Sirdaryo viloyatida 6 ta Davlat xizmatlari markazi faoliyat ko‘rsatmoqda.
Viloyatda 77 mingga yaqin aholi istiqomat qiluvchi Mirzaobod tumanida Davlat xizmatlari markazining yangi binosi qurib, foydalanishga topshirildi. Ochilish marosimida viloyat hokimi, senator G‘ofurjon Mirzayev, soha mutaxassislari, nuroniylar va yoshlar, ommaviy axborot vositalari ishtirok etdi.
– Ko‘rsatilayotgan xizmatlar sifati va samarasini aholi sezishi, har bir mijozga qulay va bugungi kun talablari darajasida shaffof, zamonaviy texnologiyalar asosida xizmat ko‘rsatishni tashkil qilish zarur, – deydi G‘ofurjon Mirzayev. – Zarur sharoitlar yaratilgan. Xodimlardan mijozlarga xushmuomalalik bilan xizmat ko‘rsatish talab etiladi.
Zamon talablari va xalqaro me’yorlarga mos holda bunyod etilgan yangi binoda fuqarolarga 160 dan ortiq davlat xizmatlari ko‘rsatiladi. Xodimlar bir vaqtning o‘zida 8 nafar, bir kunda 250 nafar fuqaroga xizmat ko‘rsatish imkoniyatiga ega. Shuningdek, chet ellik hamda mahalliy investorlar uchun alohida investorlar xonasi, kutubxona, infokiosk, elektron navbat olish qurilmasi mavjud. Bundan tashqari, tuman FHDYO bo‘limi ham shu yerda faoliyat yuritadi.
– Yangi binodagi qulayliklar barchaga ma’qul, – deydi tumanning «Mirzacho‘l» mahallasi raisi Mustafoqul To‘rayev. – Chunki markazning avvalgi binosi fuqarolar qatnoviga noqulay edi. Yangi yil bayrami oldidan tuman aholisi uchun zamonaviy dizayn talablari asosida barpo etilgan bino o‘ziga xos bayram tuhfasi bo‘ldi.
Mirzaobodda ko‘plab ishlab chiqarish, sanoat va boshqa korxonalar qurilayapti. Biroq hali qilinishi kerak bo‘lgan ishlar, kamchiliklar ko‘p. Viloyat hokimi tuman ahli bilan uchrashuvda shu haqda to‘xtalib, hududda madaniyat saroyi, istirohat bog‘i barpo etish kerakligini ta’kidladi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |