Инсон қадрини улуғлаш мамлакатимизда олиб борилаётган ислоҳотларнинг асосий мезонидир. Президентимиз ташаббуси билан биргина аҳолига давлат хизматлари кўрсатишнинг миллий тизимини тубдан ислоҳ қилиш борасида кўплаб янгиликларга қўл урилмоқдаки, бунинг ҳам замирида халқ манфаати ётибди.
Ҳудудларда Давлат хизматлари марказларининг иш бошлаши билан фуқароларга енгилликлар яратилди. Узундан-узун навбат кутиш, вақт йўқотиш, сарсонгарчиликларнинг олди олинди. Бир сўз билан айтганда, фуқаро эмас, ҳужжатлар ҳаракат қилмоқда.
Айни вақтда Сирдарё вилоятида 6 та Давлат хизматлари маркази фаолият кўрсатмоқда.
Вилоятда 77 мингга яқин аҳоли истиқомат қилувчи Мирзаобод туманида Давлат хизматлари марказининг янги биноси қуриб, фойдаланишга топширилди. Очилиш маросимида вилоят ҳокими, сенатор Ғофуржон Мирзаев, соҳа мутахассислари, нуронийлар ва ёшлар, оммавий ахборот воситалари иштирок этди.
– Кўрсатилаётган хизматлар сифати ва самарасини аҳоли сезиши, ҳар бир мижозга қулай ва бугунги кун талаблари даражасида шаффоф, замонавий технологиялар асосида хизмат кўрсатишни ташкил қилиш зарур, – дейди Ғофуржон Мирзаев. – Зарур шароитлар яратилган. Ходимлардан мижозларга хушмуомалалик билан хизмат кўрсатиш талаб этилади.
Замон талаблари ва халқаро меъёрларга мос ҳолда бунёд этилган янги бинода фуқароларга 160 дан ортиқ давлат хизматлари кўрсатилади. Ходимлар бир вақтнинг ўзида 8 нафар, бир кунда 250 нафар фуқарога хизмат кўрсатиш имкониятига эга. Шунингдек, чет эллик ҳамда маҳаллий инвесторлар учун алоҳида инвесторлар хонаси, кутубхона, инфокиоск, электрон навбат олиш қурилмаси мавжуд. Бундан ташқари, туман ФҲДЁ бўлими ҳам шу ерда фаолият юритади.
– Янги бинодаги қулайликлар барчага маъқул, – дейди туманнинг «Мирзачўл» маҳалласи раиси Мустафоқул Тўраев. – Чунки марказнинг аввалги биноси фуқаролар қатновига ноқулай эди. Янги йил байрами олдидан туман аҳолиси учун замонавий дизайн талаблари асосида барпо этилган бино ўзига хос байрам туҳфаси бўлди.
Мирзаободда кўплаб ишлаб чиқариш, саноат ва бошқа корхоналар қурилаяпти. Бироқ ҳали қилиниши керак бўлган ишлар, камчиликлар кўп. Вилоят ҳокими туман аҳли билан учрашувда шу ҳақда тўхталиб, ҳудудда маданият саройи, истироҳат боғи барпо этиш кераклигини таъкидлади.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |