O‘zbekiston Respublikasi Prezidentining Buxoro shahridagi Xalq qabulxonasiga joriy yilning o‘tgan davrida jismoniy va yuridik shaxslardan 2 ming 162 ta murojaat kelib tushgan.

– Kelib tushgan murojaatlar 926 tasi yuqori tashkilotga yuborilgan bo‘lsa, 1 ming 345 tasining ijrosi ta’minlangan. Qanoatlantirilgan murojaatlar 1 ming 245 ta yoki 92,7 foizni tashkil qilmoqda, – deydi O‘zbekiston Respublikasi Prezidentining Buxoro shahridagi Xalq qabulxonasi mudiri Azamat Bekmurodov. 

– Jumladan, Buxoro shahar "Otbozor" MFY "Marg‘osim" ko‘chasi 98-uyda yashovchi fuqaro Saida Urazovaning uy kadastr hujjati, FIB tumanlararo sudining unga nisbatan kadastr hujjatlarini tiklash rad qilingan bo‘lsada, Qabulxona xodimlarining aralashuvi natijasida arxiv xujjatlaridan izlab topildi. Fuqaro Saida Urazovaning uyga bo‘lgan huquqi qayta tiklandi.

Xalq qabulxonasi xodimlarining aralashuvi natijasida fuqaro Umida Akramovaning 987 ming so‘mlik, fuqaro Saodat Mo‘minovaning 2 million 132 ming so‘mlik va yana shunga o‘xshash 264 nafar fuqarolarning joriy yil boshidan hisoblangan 205 million so‘mlik asossiz tabiiy gazdan hisoblangan qarzdorliklari bekor qilindi.

–“ADB NEXT ” korxonasida ishlayman, – deydi Buxoro shahrida yashovchi fuqaro Nigora Avezova. – Ushbu korxona tomonidan ishlagan oylarim uchun ish haqi pullarim to‘lanmagan edi. Bu borada shahar Xalq qabulxonasiga murojaat qildim. Murojatim ijobiy hal qilindi.

–Xuddi shunday ariza bilan Buxoro shahar Piridastgir ko‘chasi 7/8 uy 76 xonadonda yashovchi fuqaro Muxayyo Tashova hamda bir guruh xotin-qizlar murojaat qilgan, – deydi qabulxona mutaxassisi Mirjon Toshev. 

– Qabulxona mutaxassislarining aralashuvi natijasida fuqarolarning ish haqi to‘lanib berildi.

Joriy yilning o‘tgan davrida Buxoro shahar Xalq qabulxonasi tomonidan korxona va tashkilotlarga jami 29 ta takdimnoma kiritilgan. Natijada 2 nafar mas’ul xodimlar vazifasidan ozod etilgan. 4 nafar mas’ullarga “Hayfsan” intizomiy chorasi qo‘llanilib, 15 nafar xodimlar rasman ogohlantirilgan.