Zarafshon shahrida Navoiy viloyat sudi hamda Navoiy viloyat ma’muriy sudi raislarining sayyor qabuli o‘tkazildi.

Zarafshon shahri va Tomdi tumanida istiqomat qiluvchi fuqarolar hamda tadbirkorlik sub’ektlari uchun o‘tkazilgan qabulda yigirma nafar fuqaroning sud-huquq masalalariga doir murojaatlari tinglandi.

Sayyor qabulda sudyalar tomonidan murojaatlarning 15 tasi joyida ijobiy hal etilib, 5 nafar murojaatchiga huquqiy maslahatlar berildi.

Jinoyat ishlari bo‘yicha Zarafshon shahar hamda Tomdi tuman sudlari tomonidan 15 nafar mahkumning muddatidan ilgari shartli ozod qilish va jazoni yengilrog‘iga almashtirish to‘g‘risidagi murojaatlari qanoatlantirildi.

Shuningdek, Zarafshon tumanlararo iqtisodiy sudi tomonidan o‘tkazilgan sayyor sudda tadbirkorlik faoliyati sub’ektlari foydasiga qariyb 71 million undirilib, ularning sudga qilgan murojaatlari o‘z vaqtida ko‘rib chiqilgan bo‘lsa, tadbirkorlik faoliyati sub’ektlariga nisbatan asossiz kiritilgan da’voning 10 million qismi qanoatlantirishdan rad qilinishi natijasida ularning huquqlari buzilishining oldi olindi.