Buxoro viloyati Vobkent tumanida faoliyat ko‘rsatayotgan davlat va o‘zini-o‘zi boshqarish organlari rahbarlari tomonidan qonun talablaridan kelib chiqib, sohalar bo‘yicha kelib tushgan murojaatlar va faoliyatdagi mavjud muammolar tuman Xalq qabulxonasi tomonidan tahlil qilindi.

–Mavjud tizimli kamchiliklarni bartaraf qilish, jismoniy va yuridik shaxslar vakillarining murojaatlarini ijobiy hal qilish uchun zarur choralar ko‘rilmoqda, – deydi Vobkent tumani Xalq qabulxonasi mudiri Laylo Sharipova. – Tuman Xalq qabulxonasi tomonidan murojaatlarning kelib chiqishiga sabab bo‘layotgan muammolar yuzasidan 9 ta tahlillar va sektorlar faoliyati bo‘yicha 10 ta monitoring, davlat idoralarida murojaatlar bilan ishlash yuzasidan 3 ta o‘rganishlar o‘tkazildi. 62 ta qabul qilingan qarorning ijrosi joyida o‘rganildi.  

Murojaatlarning ijobiy hal qilinmaganligi sektor rahbarlarining reyting ko‘rsatgichlari pasayishiga sabab bo‘lmoqda. Joriy yilning o‘tgan davrida amaldagi qonun hujjatlari va tuman Xalq qabulxonasining ish rejasiga muvofiq murojaatlar bilan ishlashda kamchiliklarga yo‘l qo‘ygan shaxslarni javobgarlikka tortish bo‘yicha 7 ta taqdimnoma va takliflar kiritilgan.  

Tuman Xalq qabulxonasining taqdimnomalariga asosan 4 nafar xodimlarga nisbatan intizomiy choralar ko‘rilgan.