Namangan viloyat hokimi Shavkat Abdurazzoqov Uchqo‘rg‘on tumanida aholi bilan sayyor qabul o‘tkazdi.

Xalq bilan muloqotda bir yuz ellikka yaqin murojaat qabul qilinib, ularga tegishli yechim berildi.

Chortoqlik Sadoqat Abdumo‘minova imkoniyati cheklangan bo‘lishiga qaramay doimiy harakatda. U viloyat hokimining sayyor qabuliga kelib “Saxovatli qo‘llar” dasturi bo‘yicha amaliy yordam so‘radi.

– bugungi sayyor qabulda murojaatim bo‘yicha menga amaliy yordam ko‘rsatiladigan bo‘ldi, — deydi Sadoqat Abdumo‘minova. 

– Ommaviy tadbirlar tashkil etish va undan tushgan mablag‘larni o‘zim kabi imkoniyati cheklanganlarni ijtimoiy qo‘llab-quvvatlashga qaratilgan dasturim viloyat hokimi tomonidan ma’qullandi.

Qabulda viloyatning tegishli korxona va tashkilot, bank-moliya, sud-huquq idoralari mutasaddilari ishtirok etdi.