Eng ulug‘, eng aziz bayramimiz arafasida ishga tushayotgan muhtasham binolar, namunaviy turar joylar, aholiga zamonaviy qulayliklardan to‘liq bahramand bo‘lishi uchun imkoniyat yaratayapti.Ayniqsa, qisqa muddatda obod bo‘layotgan qishloqlarimizning kundan-kunga chiroy ochib, ko‘rkam manzilga aylanib borayotgani ko‘zni quvontiradi.

Navoiy viloyatida ham “Obod qishloq” Dasturining birinchi bosqichida  5 ta qishloqlarda  misli ko‘rilmagan  qurilish ishlari amalga oshirildi. Bugun bu qishloqlarda  bayram, u erdagi  ko‘rkam zamonaviy yangi  binolarning bunyod etilib, foydalanishga topshirilayotgani chinakam shodiyonaga aylanib ketgan.  Jumladan, Qiziltepa tumanidagi  “Malikobod” qishlog‘i  ham “Obod qishloq” Dasturga ko‘ra obod manzillardan biriga aylandi. Bu maskanda qisqa muddatda amalga oshirilgan qurilish ishlari  hozirda  xalqimizning bunyodkorlik timsoliga aylanib ulgurdi.  

 Bugun yangi  umumta’lim maktabi, maktabgacha ta’lim muassasasi, mahalla guzari binosi, sun’iy qoplamali mini stadion, savdo majmualari binolari qurib bitkazilib,qishloq ko‘rkiga ko‘rk qo‘shmoqda. Shuningdek, dastur doirasida qishloqda  5 km. umumfoydalanishdagi avtomobilь yo‘llari ta’mirlandi,  zamonaviy yangi avtobus bekatlari qurildi, 10 km 600 metr gaz quvuri, 7 km elektr  tarmog‘i mukammal ta’mirlandi. E’tiroflisi,  3 ming 124 nafar qishloq aholisining eng oliy orzusi amalga oshib, mahallaga toza ichimlik suvi tarmog‘i tortildi. Xulosa o‘rnida aytganda, qisqa muddatda amalga oshirilgan ezgu amallar natijasida chekka bir qishloq eng so‘lim, ko‘rkam, obod manzilga aylandi. Albatta, bunday bunyodkorlik namunalari qishloq ahliga bayramona  kayfiyat ulashib, ularning ertangi kunga bo‘lgan ishonchini oshirmoqda.Zero istiqlolning bu kabi  tengsiz bunyodkorlik qudrati inson manfaatlariga, yurtdoshlarimizning farovon turmushiga, porloq kelajagiga xizmat qilishi aniq.

Shuhrat Normurodov,

“Turkiston-press”