Navoiy viloyatida ham “Ayollar” va “Yoshlar” daftariga kiritilgan xotin-qizlar va yoshlarni ish bilan ta’minlash, ularni foydali mehnatga jalb qilishga alohida e’tibor qaratilmoqda.

Konimex tumanida ayni daftarga kiritilgan 147 nafar ishsiz fuqaro bandligini ta’minlash maqsadida bo‘sh ish o‘rinlari “Mehnat yarmarkasi” tashkil etildi.

Unda 20 ta ishlab chiqarish korxonasi va 42 ta muassasasa vakillari o‘zlarida mavjud 438 ta bo‘sh ish o‘rni bilan ishtirok etdi. Dastlab ishtirokchilar ishlab chiqarish korxonalari tomonidan tashkil etilgan ko‘rgazma bilan tanishib, ularning faoliyati to‘g‘risida birlamchi ma’lumotlarga ega bo‘ldi.  

Yarmarkada “Real Invest” MCHJga 15 nafar, “Riverstone Powders” MCHJga 13 nafar, “Shojon Tuz Group” MCHJga 14 nafar, “Tikuvchi ayollar” kooperativiga 35 nafar, mahalla mehnat inspektori lavozimiga 2 nafar, tuman MTMga 1 nafar va “Agrobank” tuman filialiga 1 nafar, jami 81 nafar fuqaro ishga joylashtirildi.

Tikuvchilik kasbiga o‘qib, sertifikat olgan, yarmarka doirasida “Tikuvchi ayollar” kooperativiga ishga kirgan 47 nafar ayolga subsidiya shartlari asosida tikuv mashinalari taqdim etildi. Ularga uy sharoitida daromad topishlari uchun birlamchi mahsulotlar yetkazib beriladigan bo‘ldi.