2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Кўча ва хонадонлар янада обод бўлади

Қорақалпоғистонда “Жонажон юртим ободлигига ўз ҳиссамни қўшаман” шиори остида ободонлаштириш ишлари бошланди. Унга кўра, барча маҳаллалардаги кўчаларни, хонадонларни ободонлаштиришга қаратилган кенг кўламли ишлар амалга оширилади.

Қорақалпоғистон Республикаси Вазирлар Кенгаши ахборот хизмати маълумотига кўра “Обод хонадон”, “Обод кўча” ва “Обод маҳалла” тадбирлари доирасида фуқаролар йиғинлари ҳудудида истиқомат қилаётган ёрдамга муҳтож оилаларнинг уй-жойлари таъмирланади, мавжуд муаммолар бартараф этилади.

 

Ушбу тадбирлар ижросини таъминлаш учун ҳудудларда штаб ҳамда ишчи гуруҳ тузилган. Шаҳар ва туманларга мутахассислар масъул қилиб белгиланган.

 

Гуруҳ аъзоларига барча маҳаллаларни ободонлаштириш мақсадида июнь-июль-август ойларида аҳоли ўртасида тарғибот ва амалий чораларни амалга оширишга қаратилган вазифалар белгиланган. Ҳоким ўринбосарлари раҳбарлигидаги штаб аъзолари маҳаллалардаги хонадонларни обод қилиш бўйича режалари ишлаб чиқилган. 

 

Эслатиб ўтамиз, Президентимиз жорий йил 5-6-июнь кунлари Фарғона вилоятига сафари давомида маҳаллалар ободлиги, кўчалар ва хонадонларнинг тозалигини таъминлаш, аҳолининг ёрдамга муҳтож қатламига ҳар томонлама ёрдам бериш ишларини янада кўчайтириш бўйича вазифаларни белгилаб берган эди. Шу топшириқлар ижроси бўйича ҳозирда ҳудудда кенг кўламли ишлар бошлаб юборилди.

Фойдали ресурслар