Бандлик ва меҳнат муносабатлари вазирининг ўринбосари Н.Якубов карантин даврида ишсиз ва банд бўлмаган, пандемия сабабли вақтинча иш жойини йўқотган аҳоли бандлигини таъминлаш мақсадида Сирдарё вилоятининг Сайхунобод туманида амалга оширилаётган ишлар билан танишди.
Н.Якубов, жорий йилнинг ўтган карантин даврида 1 минг 347 нафар ишсиз фуқаролар ҳақ тўланадиган жамоат ишларига жалб қилиниб, улар асосан маҳаллаларни ободонлаштириш, дезинфекция ишларини амалга ошириш, блок постларда ёрдамчи посбон ҳамда вилоят бандлик бош бошқармасининг ташаббуси билан ташкил этилган пиллачилик бригадаларидаги тут баргини қирқиб келиш, пилла қуртига емак тайёрлаш, уларни боқиш ва шу каби ишлар билан таъминланганлик даражасини атрофлича ўрганди.
Шундан сўнг, Бандлик ва меҳнат муносабатлари вазирининг ўринбосари туман ҳокимининг жорий йил 3-апрелдаги қарори билан ташкил этилган “Сайҳун агро кенгаши” ишлаб чиқариш кооперативига ташриф буюрди.
Ушбу кооперативга ҳоким қарори билан ҳудуддан 21 гектар ер майдони ажратилган. Бандликка кўмаклашиш давлат жамғармаси маблағлари ҳисобидан 95 миллион 900 минг сўм субсидия ажратилиб, ҳозирги кунда у ерда 43 нафар кам таъминланган оилаларнинг ишга лаёқатли аъзолари кооперативга аъзо сифатида қабул қилинган.
Ушбу “Сайҳун агро кенгаши” ишлаб чиқариш кооперативининг ер майдонига ток (узум)нинг серҳосил навлари экилган. Бўлажак узумзор оралиғига эса ёзги картошка уруғи қадалди.
Бундан ташқари, Н.Якубов тумандаги Гулбулоқ ва Янгиҳаёт маҳалла фуқаролар йиғинидаги кам таъминланган, ишсиз, эҳтиёжманд фуқаролар учун бандликка кўмаклашиш жамғармаси маблағлари ҳисобидан қурилган енгил конструкцияли иссиқхонада олиб борилаётган ишлар ва унда меҳнат қилаётган кам таъминланган оилалар билан танишди.
Вазир ўринбосари кооператив раҳбари, аъзолари ва иссиқхона эгаларига тегишли таклиф ва кўрсатмалар берди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |