Қўзибой Ўлжаев ва Зоҳир Бозоровга Ўзбекистон фуқаролигини олиш бўйича ҳуқуқий маслаҳатлар берилди. Нормурод Тоғаевнинг пенсияга доир муаммосини бартараф этиш бўйича туман пенсия жамғармасига вазифа юклатилди.

Бу масалалар Навоий вилояти Нурота туманининг олис ҳудудларидан бири -“Сентоб” маҳалла фуқаролар йиғинида ўтказилган сайёр қабулда ҳал этилди. 

Унда фуқароларни қайнаб келаётган ўн бешдан ортиқ масала кўтарилди. Шундан учтаси шу жойни ўзида ҳал этилиб, қолгани назоратга олинди. Хусусан, Ҳамро Рўзибоевнинг мурожаатига кўра, Нурота туманида болалар учун ёзги оромгоҳлар мавжуд эмас,бу эса нуроталик болаларнинг узоқ Зарафшон шаҳридаги оромгоҳларда ҳордиқ чиқаришига сабаб бўлмоқда. Ваҳоланки, хорижий саёҳлар дам олаётган Сентоб қишлоғининг ўзида экооромгоҳларни ташкил этиш имконияти мавжуд. Шу боис мазкур мурожаат туман ҳокимлигини назоратга олинди.

Сайёр қабул якунида Мустақиллигимизнинг 28 йиллиги муносабати билан жисмоний имконияти чекланган, ногиронлиги бўлган фуқарога ногиронлик аравачаси, қўлтиқтаёқ ва қулоқчинлар берилди. 

Шунингдек, сайёр қабулда иштирок этган фуқароларга бадиий адабиётлар тарқатилди.

Сайёр қабулда Навоий вилоят адлия бошқармаси бошлиғи Ш.Баҳронов Нурота туман ҳокими У. Халилов ва бошқалар иштирок этди.

ЎзА