Ўзбекистон Республикаси Бош прокурори Н.Йўлдошев фуқароларни видеоконференц-алоқа тизими орқали, яъни масофадан туриб онлайн қабул қилди.
Бу ҳақда Бош прокуратура матбуот хизмати хабар берди. Қайд этилишича, қабул давомида Бош прокурор томонидан 26 нафар жисмоний ва юридик шахсларнинг вакили қабул қилиниб, уларнинг мурожаати тингланди.
Мурожаатларнинг 17 таси суд, 2 таси прокуратура, 5 таси ички ишлар, 1 таси халқаро ҳамда 1 таси тадбиркорлик фаолияти масаласига оид бўлди.
Бош прокуратурада барча қулайликларга эга бўлган фуқаролар қабулхонаси бўлиб, фуқаролар ҳамда юридик шахсларнинг вакиллари ҳеч бир тўсиқларсиз киришлари, ўзларини қизиқтирган масала ёхуд муаммолари юзасидан прокуратура ходимлари қабулида бўлиб, мурожаатларини қолдиришлари учун барча шароитлар яратилган.
Бироқ шу куни Тошкент шаҳрида яшовчи Е.Урлаева бир гуруҳ шахслар билан бирга Бош прокуратуранинг маъмурий биноси олдида Бош прокурор томонидан фуқароларнинг қабули ўтказилмаганлиги ҳақида норасмий норозилик намойиши ўтказишди.
Шунингдек, Тошкент вилояти, Янгийўл туманида яшовчи М.Акбарова ва Тошкент шаҳрида яшовчи Ш.Юлдашева ҳамда бошқа шахслар Бош прокуратуранинг фуқароларни қабул қилишга ихтисослашмаган биноси олдида одамларнинг эътиборини ўзига жалб қилиб, тартибга амал қилмасдан, ушбу бинога киришга ҳаракат қилишиб, норасмий норозилик намойиши ўтказишди.
Маълумот тариқасида: М.Акбарова 24.03.2019 йилда Бош прокурор сайёр қабулида, Ш.Юлдашева 20.04.2018 йил, 09.02.2019 йил ҳамда 25.03.2019 йилда Бош прокурор қабулида бўлишган ва уларнинг мурожаатлари Бош прокуратура томонидан тегишли тартибда кўриб чиқилиб, жавоб хатлари берилган.
Бош прокуратура томонидан жисмоний шахслар ва юридик шахсларнинг вакилларини қабул қилиш ҳамда мурожаатларини кўриб чиқиш борасида ишлар давом эттирилмоқда.
ЎзА
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |