2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Олий суд раиси ўринбосари Андижонда ўтказган сайёр қабул давомида учта оилани яраштирди

Олий суд раиси ўринбосари, фуқаролик ишлари бўйича судлов ҳайъати раиси Холмўмин Ёдгоров ва Олий суд судьялари Андижон шаҳри ҳамда Бўз туманида сайёр қабул ўтказди.

Ушбу туманлардаги Халқ қабулхоналарида ўтказилган қабуллар давомида 97 нафар фуқаронинг мурожаати қабул қилиниб, уларнинг 49 қаноатлантирилиб, 20 та мурожаат юзасидан ҳуқуқий маслаҳат ва тушунтиришлар берилди, 1 нафар фуқаронинг шикояти назорат тартибида ўрнатилди.

Шунингдек, Олий суди жиноят ишлари бўйича судлов ҳайъати жиноят ишлари бўйича вилоят судида видеоконференцалоқа тартибида очиқ сайёр суд мажлисини ўтказди.

Унда белгиланган ҳукмларга асосан Қарши шаҳридаги 3-сонли ЖИЭКда жазо муддатини ўтаётган Р.Мадаминов, Навоий шаҳар 4-сонли ЖИЭКда жазо муддатини ўтаётган А.Жўрабоев, Бўстонлиқ туман 7-сонли ЖИЭКда жазо муддатини ўтаётган Б.Ахмедовларнинг назорат тартибда берган шикоятлари кўриб чиқилди.

Судлов ҳайъати ҳукмига кўра яқин қариндошлари томонидан жабрланувчиларга жиноят оқибатида етказилган моддий зарарлар тўлиқ қопланганлиги сабабли судланувчи Б.Ахмедовга тайинланган жазо ўзгартирилиб, унга ахлоқ тузатиш ишлари жазоси тайинланди ва шу ернинг ўзида жазони ижро этиш муассасасидан озод қилинди.

Судланувчи Р.Мадаминов ва А.Жўрабоевлар эса тайинланган жазо жарима жазоси билан ўзгартирилди ва қамоқдан озод қилинди.

Жиноят ишлари бўйича Бўз туман суди томонидан ўтказилган очиқ суд мажлисида эса Жиноят Кодексининг 169-моддаси, 3-қисми, «а» банди билан Сардорбек Мамажоновга оид жиноят иши судда мазмунан кўрилиб, жиноят оқибатида етказилган моддий зарарлар тўлиқ қопланганлиги, унинг муқаддам судланмаганлиги, шунингдек, Ўзбекистон Олий суди ва Ўзбекистон Ёшлар иттифоқи Марказий Кенгаши ўртасида 2017 йил 5 декабрда тузилган «Ёшлар масалалари соҳасида ўзаро ҳамкорлик тўғрисида»ги меморандумга асосан Ёшлар иттифоқининг вилоят кенгаши томонидан берилган кафиллик хати асосида унга нисбатан озодликдан маҳрум қилиш билан боғлиқ бўлмаган жазо тайинланиб, қамоқ эҳтиёт чораси бекор қилиниб, суд залидан озод қилинди.

Бундан ташқари, Бўз туман ҳокимлиги биносида фуқаролар иштирокида ажрашиш ёқасида турган шаҳрихонлик Лочинбек Қодиров ва Maxбубахон Қодирова, улуғнорлик Илёсбек Ботиров ва Шохсанам Абдумажидова, балиқчилик Фаррух Валиев ва Нафисахон Валиеваларнинг судга қилган мурожаатлари кўриб чиқилиб, қонуний тартибда тегишли тушунтиришлар берилиб, яраштирилди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар