2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Сайёр қабулда кўплаб муаммолар ҳал бўлди

Олот туманида Бухоро вилояти ҳокими Ўктам Барноев ўтказган оммавий сайёр қабулда 400 нафарга яқин фуқаролар турли ижтимоий -иқтисодий аҳамиятга эга масалалар юзасидан мурожаат қилди. Аҳоли вакилларининг юздан зиёдроғи вилоят ҳокими қабулида бўлди.

“Дилкор” маҳалла фуқаролар йиғини ҳудудида бешта қишлоқ мавжуд. Ҳудудда мактабгача таълим муассасаси йўқ. Ҳолбуки, бу ерда 3 ёшдан 7 ёшгача бўлган 290 нафарга яқин болалар яшайди.

 

–Боғча муаммоси билан тумандаги турли мутасадди идораларга мурожаат қилдик, – дейди аҳоли вакиллари номидан мурожаат қилган Шарофат Маматова. – Аммо масала ечим топмади. Вилоят раҳбари дардимизни тинглаб, яқин кунларда мактабгача таълим муассасаси билан боғлиқ масалаларни ўрганиш ҳамда унинг биноси қурилишини бошлаш бўйича мутасаддиларга топшириқ берди. Бундан ташқари, қишлоқларимизнинг аянчли ҳолга келиб қолган, ёзда чанг, ёғингарчиликда кўлмаклиги сабаб юриш амри маҳол бўлган йўлларини тартибга келтириш ҳақидаги мурожаатимиз ҳам инобатга олинди. Йўллар текисланиб, шағал ётқизиладиган, келгуси йилда эса босқичма -босқич асфальтлаштириладиган бўлди.

 

2.jpg

 

Туркманистон Республикасида яшаб, оилавий муаммолар сабаб Олот туманидаги ўзи туғилган қишлоққа қайтган Зулайхо Ҳусаинова фуқаролик паспорти йўқлиги оқибатида муаммоларга дуч келди. Синглиси, аниқроғи, куёвининг уйида яшасада рўйхатга олинмади. Бунинг бир томони уларнинг уй кадастр ҳужжатлари расмийлаштирилгани билан ҳам боғлиқ. Расмийлаштириш учун зарур бўлган тўловга эса оиланинг қурби етмаган.

 

–Мен ва куёвим бир- бири билан боғлиқ муаммони ечиш учун узоқ вақт турли идораларга мурожаат қилдик, – дейди Зулайхо Ҳусаинова. – Аммо бундан наф чиқмагач, бошимиз қотди. Вилоят ҳокими сайёр қабулида муаммомиз ҳал бўладиган бўлди. Шу ернинг ўзида “Вилоятермулккадастр” давлат корхонасининг ўз хўжалик маблағлари ҳисобидан куёвим яшайдиган уйнинг кадастр ҳужжатлари расмийлаштириб берилди. Туман ички ишлар бўлимининг раҳбарлари эса, яқин бир ой мобайнида Ўзбекистон Республикасида доимий яшовчи фуқаролиги бўлмаган шахсга доимий яшаш гувоҳномаси берилишини айтди. Бу ҳужжат синглим ва куёвим уйида рўйхатга олинишим, қолаверса, доимий иш билан таъминлашим учун асос бўларкан. Биласизми, дунё кўзимга кенг бўлиб, уйга қайтмоқдаман.

 

Яна бир жиҳат. Сайёр қабулга вилоятнинг турли туманлари аҳоли вакиллари келди. Улардан бири ромитанлик тадбиркор Тўлқин Муродов. У халқаро автомобиль йўлининг “Қоқиштувон” маҳалла фуқаролар йиғини ҳудудидан ўтувчи қисмига яқин жойда ўзига тегишли бинолар негизида мотель, ошхона, дорихона ва бошқа хизмат кўрсатувчи шохобчалардан иборат кемпинг қуришни режалаштирган эди. Тадбиркор бу лойиҳани жорий йил бошида вилоят ҳокими иштирокида ҳокимликда ўтказилган инвестицион лойиҳалар тақдимотида таништирган. Шундан сўнг бинолар таъмирланиб, пардозлаш ишларига киришилди. Аммо объектларни лойиҳалаштириш учун зарур бўлган ҳоким қарорини олишда англашилмовчиликлар оқибатида муаммо туғилган. Ҳолбуки, кемпингни жорий йил охиригича ишга тушириш учун ҳар бир кун ғанимат. Тадбиркор мурожаатини тинглаган вилоят ҳокими шу жойнинг ўзида Ромитан туман ҳокимига қўнғироқ қилиб, масалани уч кун ичида ўрганиб, ҳал қилиш бўйича кўрсатма берди.

 

6.jpg

 

Сайёр қабул жараёнида фуқароларнинг ишга жойлашиш, тоза ичимлик суви билан таъминоти, тадбиркорликни ривожлантириш мақсадида имтиёзли кредит олиш ва бошқа муаммолар, саломатликни тиклаш ҳамда уй-жой, моддий ёрдам каби масалаларга оид кўплаб мурожаатлари тингланди.

 

Тадбир доирасида вилоят соғлиқни сақлаш бошқармаси ва туман кўп тармоқли марказий поликлиникаси шифокорлари томонидан чуқурлаштирилган тиббий кўрик ўтказилди. 500 дан зиёд фуқаро қатнашган кўрикда икки кишига стационар шароитда даволаниш учун йўлланма, айрим фуқароларга эса амбулатория шароитида соғлиғини тиклаш бўйича тавсиялар берилди. Бундан ташқари, эҳтиёжманд кишиларнинг 35 нафари ногиронлик таянч аравачаси, 23 нафари эшитиш мосламаси, 11 нафари таянч воситалари билан таъминланди.

 

Шунингдек, қабул доирасида меҳнат ярмаркаси ҳам ўтказилди.Унда фуқароларга 32 та корхона томонидан 125 та бўш иш ўрни таклиф этилди. 10 нафар фуқарога ишга жойлашиш учун йўлланма берилди. 30 нафар фуқаронинг муқим иш ўрни ва даромад манбаига эга бўлиши бўйича ҳужжатлар расмийлаштирилди.

 

Сайёр қабулда аҳоли бошқа сектор раҳбарлари, Ўзбекистон Президентининг Бухоро вилоятидаги Халқ қабулхонаси мудири ҳамда барча корхона ва ташкилотлар мутасаддиларига ҳам ўнлаб муаммолар юзасидан мурожаат қилди. Барча масалалар ўрганилиб, уларнинг ечими юзасидан масъуллар бириктирилди. Учрашув доирасида Давлат хизматлари агентлиги вилоят бошқармаси ва адлия бошқармаси ходимлари томонидан аҳолига ҳуқуқий маслаҳатлар берилди.

 

Амалий натижалар билан якунланган сайёр қабул фуқароларнинг розилигини таъминлаш ва аҳолининг давлат идораларига бўлган ишончини янада мустаҳкамлашга хизмат қилади.

 

7.jpg

 

12.jpg

 

Эркин Ёдгоров, Тоҳир Истатов (сурат), ЎзА

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар