2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Сайёр қабулларнинг амалий натижалари

Юртбошимиз ташаббуслари билан жорий этилган янги тизим – халқ билан мулоқот давлат ва халқ ўртасидаги ишончли, мустаҳкам кўприк эканлигини бугун нафақат юртимиз аҳолиси, балки сиёсий арбоблар, халқаро экспертлар ва таниқли мутахассислар эътироф этишмоқда.

Халқимиз ўзларини қийнаб келаётган муаммоларнинг бартараф этилаётганини, мурожаатлар қоғозда эмас, амалда ўз ижобатини топаётганлигини дилдан ҳис этмоқда.

 

Шу сабабли ҳам Ўзбекистон Республикаси Президенти маслаҳатчиси ўринбосари А.Усманов томонидан Шеробод туман фуқаролари билан ўтказилган оммавий сайёр қабулга келган юртдошларимиз нигоҳида қатъият ва ишонч балқиб турганини кўриш мумкин эди.

 

Ўтган вақт давомида сектор раҳбарлари, вилоят ҳокимлиги, Президентимизнинг вилоят халқ қабулхонаси ва бошқа тегишли ташкилотлар томонидан уйма-уй юрилиб, аҳолининг турмуш шароити, ижтимоий аҳволи ўрганилишига қарамасдан, ҳали муаммолар бир талай эканлиги сайёр қабул давомида маълум бўлди.

 

Шеробод туман фуқароларидан уй-жой масаласида 34 та, иш билан таъминлаш учун 38 та, ичимлик суви бўйича 18 та, қишлоқ йўлларининг аҳволи ҳақида 22 та, таълим ва мактабгача таълим борасида 13 та, кадастр соҳасида 16 та, соғлиқни сақлаш масаласида 8 та мурожаат келиб тушган.

 

Кун давомида 238 нафар фуқаронинг шикоят ва аризалари қабул қилиниб, уларнинг 117 таси ёки 42,7 фоизи жойида ҳал этилди. Қолган мурожаатлар эса қатъий назоратга олиниб, тегишли тартибда ҳал қилиш учун ўн кун муддат белгиланди.

 

photo5273877436561467910.jpg

 

— Мен Юртбошимиз томонидан юборилган вакилга Пошхурт қишлоғида хотин-қизлар бандлигини таъминлаш мақсадида тикувчилик цехини очиш бўйича мурожаат қилдим. Таклифим қаноатлантирилди. Қишлоғимизда тикувчилик цехи қуриш бўйича тегишли ташкилотларга аниқ кўрсатмалар берилди. Бундан нафақат мен, барча пошхуртликларнинг бошлари осмонга етди, — дейди шу қишлоқда яшовчи Ойнахол Раҳмонова. 

 

Зиёратгоҳлар ва қабристонларни ободонлаштириш ҳам халқимизнинг азалий миллий қадриятларидан бири ҳисобланади. Туманнинг “Чорбоғ” маҳалласида яшовчи А.Бозоровнинг “Ғоз ота” қабристонида зиёратчилар учун айвон қуриш юзасидан қилган мурожаати ҳам ижобий ҳал этиладиган бўлди.

 

Туманда истиқомат қилувчи 14 нафар фуқаронинг туман ҳудудида фаолият юритиб келаётган цемент ишлаб чиқариш заводига ишга жойлаштиришни сўраб қилган мурожаати жойида ижобий ҳал этилиб, барчаси иш билан таъминланди.

 

Сайёр қабулда Сабоҳат Зиёеванинг мурожаати ўрганилиб, соғлигини тиклаш учун тегишли жойга ордер ажратиладиган бўлди. Энг муҳими, Шеробод туманида ўтказилган сайёр қабулдан фуқаролар қатъий ишонч ва эзгу ният билан уйларига қайтишди.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар