Вилоятимиз деҳқончилик учун жуда қулай ҳудудда жойлашган. Сувимиз мўл, тупроғимиз серҳосил. Қишлоқдаги ҳар бир оиланинг ўртача 8-10 сотих томорқаси бор. Бугун ишнинг кўзини биладиган, меҳнатдан қочмаган воҳадошларимиз ҳар қарич ердан унумли фойдаланиб, унга кўпроқ фойда келтирадиган, мўл ва харидоргир ҳосил берадиган экин экмоқда.
Шу кунларда вилоятимиз ҳокими Баҳодир Пўлатов ҳамда секторлар раҳбарлари вилоятимиз шаҳар ва туманларидаги аҳоли хонадонларида бўлиб, томорқалардан самарали фойдаланиш аҳволи, уларнинг оилавий тадбиркорликка қизиқишини ўрганмшмоқда. Кам таъминланган, ижтимоий ҳимояга муҳтож оилаларга амалий ёрдамлар кўрсатилмоқда.
Ўрганишлар жараёнида фуқароларимизнинг замон талабига янгича ёндашган ҳолда ўз рўзғори ободлигини таъминлаш, оилавий қўшимча даромад манбаини шакллантириш, иқтисодий тежамкорликка эришиш йўлида олиб бораётган ижобий ҳаракатларини кўриб қувондик.
Демак, бўш ерлардан унумли фойдаланиш, иссиқхоналар ташкил этиш бўйича амалга оширилаётган тарғибот ишлари, мамлакатимизда оилавий тадбиркорликни ривожлантиришга қаратилаётган эътибор ўз самарасини бераётир. Азалдан ризқ ундириш, боғ яратишнинг ҳадисини олган бу воҳадошларимизнинг ўз томорқасидан баракага эришишига, оиласини фаровон қилиш баробарида бозорларимизни ҳам арзон ва сифатли қишлоқ хўжалиги маҳсулотлари билан таъминлашга катта ҳисса қўшишига шубҳа йўқ.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |