Олий суд раиси ўринбосари Шуҳрат Полвонов бошчилигидаги ишчи гуруҳ томонидан Сирдарё вилоятида сайёр қабул ўтказилди.

Унда 48 нафар фуқаро  қабул қилинди. Фуқаролар мурожаатларининг 23 таси жиноят, 16 таси фуқаролик, 3 таси иқтисодий ҳамда  6 таси маъмурий судловга тааллуқлидир.  

Келиб тушган мурожаатлардан 41 тасига ҳуқуқий тушунтириш берилган бўлса,  шундан 2 та мурожаат қаноатлантирилди, 5 та шикоят ва ариза қонуний кўриб чиқиш учун қабул қилинди.  

Шунингдек, сайёр қабул  давомида жиноят ишлари бўйича судлар томонидан тақдимнома ва илтимосномалар асосида жазо ўтаётган 11 нафар маҳкум жазони ўташдан муддатидан илгари шартли равишда озод қилинди.  

Фуқаролик ишлари бўйича судлар томонидан 6 та алимент ундириш юзасидан суд буйруғи чиқарилиб, ижрога қаратилган бўлса, ажрашиш арафасидаги 2 та оила яраштирилди. Шунингдек, 3 нафар шахснинг  юридик аҳамиятга эга бўлган фактларни белгилашга оид аризалари қаноатлантирилди.  

Иқтисодий ишлар бўйича судлар томонидан 3 та тадбиркорлик субъектининг  аризалари бўйича даъво талаблари қаноатлантирилди ва даъвогарлар ҳисобига 1 222 460 468 сўм ундирилиши белгиланди.  

Бундай сайёр қабуллар республика миқёсида давом этмоқда.